martes, junio 20, 2017

Tïatralización: Cortes LLÏONESAS de 1188

Cumu ye habitual, dende van cincu annos, l'Asociación Cultural "El Trovador Leonés" muerganizóu la tïatralización las Cortes Llïonesas de 1188 nel mesmu llugar onde tuvun llugar.

L'eventu, que tuvu llugar el pasáu sábadu, Xunu y 17, entamóu cun un Desfile Medieval, alreol las 20,30 houras, xunt'a la eigrexa Santa Marina la Rïal y pasandu pula Praza la Catedral, cai Ancha y Xardines del Cid, chegóu a la Praza Santu Sidoru, penetrandu na Collexata pula Praza Santu Martinu, ata'l Claustru Vieyu, onde tuvu llugar la representación.

Los autores d'este eventu, testimonnu d'una las páxinas más importantes la hestoria llïonesa y de los dreichos del pueblu fonun, cumu siempres, Hermenegildo López y Mari Luz Santos, tola sua familia y una bona riestra los sous collacios, ente los que nun puéu deixare de mencionar a Vítor Moreno, el nuesu maníficu rei Fonsu VIII de Llión, argullosos cumu tolos annos de contribuyire a que los nuesos paisanos y los visitantes que tean nesos momentos na nuesa ciudá, conozan una parte la nuesa hestoria tan esqueicía y amenorgada pulas autuales "fuercias vivas" d'esti país que, inesplicablemente, prefiere esqueicere páxinas únicas, pioneras ya mui importantes la hestoria pur nun reconnecere qu'esos llogros fonun LLÏONESES.

Peru deixemos esta tema, siempres presente nos momentos autuales y vamos esfrutare cun dalgunas semeyas d'ayeri. L'autora de cuasi todas ye la mia collacia Marta, Gracias asgaya pur facelas y unvialas. Las semeyas feichas dimpués la finalización l'autu son de l'autoría de Bernardo y Lluis. Gracias tamién a eillos pul bon llabor. Asperu que vos presten!!!

Y pa los que deseyen más información sobru la representación las Cortes, pueden visitare la lligazón darréu:

El Trovador Leonés












































No hay comentarios:

Pregón del I Encuentro de Cultura Tradicional "Valle de Gordón"

La Pola de Gordón, 14 de mayo de 2022 Buenas tardes: Es para mí un gran honor pregonar este I Encuentro de Cultura Tradicional “Valle de...