lunes, mayo 16, 2016

El burru de Villarinu

Lletra en llïonés recoyía en Salamanca de María Luisa Soledad González, mai del mieu collaciu Víctor, cumu la cantaban van más de sesenta annos. Asperu que vos preste:

Ya se morreu'l burru
Que trayía la vinagre/i
Ya lu llevou Dious
D'esta vida miserabre/i

Qué tu ru ru ru rú
Qué tu ru ru ru rú
Qué tu ru ru ru rú
Qué bien lu sabes tú

El yera valiente
El yera mojínu
El yera l'aliviu
De tou Villarinu

Estribillo

Nun t'alcordas burru
Caminu Pereña
Tu tirabas cozes
Y you te daba lleña

Estribillo

Tolas vecinas
Juerun/juenun a l'entierru
Y la tía Juaquina
Tocaba'l zenzierru

Estribillo

Estirou la pata
Arrugou'l jocicu
Cunel rabu tiesu
Izía: abur Pericu

Qué tu ru ru ru rú
Qué tu ru ru ru rú
Qué tu ru ru ru rú
Qué bien lu sabes tú

No hay comentarios: